Генштаб УСУ: Найбольш жорсткія баі ідуць вакол Бахмута і Аўдзееўкі

У Херсонскай вобласці расіяне беспаспяхова спрабавалі выбіць украінскія войскі з пазіцый на левым беразе Дняпра.

Разбурэнні пасля расiйскіх абстрэлаў у Адэсе 02.05.2024

PAP/Alena Solomonova

Паводле Генштаба Узброеных сіл Украіны, за апошнія суткі паміж украінскімі і расійскімі войскамі адбылося 134 баявыя сутыкненні. Расіяне нанеслі 3 ракетныя і 70 авіяўдараў па ўкраінскіх пазіцыях і грамадзянскіх аб’ектах.

Расійская артылерыя 116 разоў абстраляла прыфрантавыя гарады. У выніку была разбурана грамадзянская інфраструктура і жылыя дамы. Ёсць загінулыя і параненыя мірныя жыхары.

На ўсходзе і поўдні Украіны вораг працягвае інтэнсіўныя баявыя дзеянні, спрабуючы прарваць абарону ўкраінскіх сіл. Найбольш жорсткія баі ідуць вакол Бахмута і Аўдзееўкі, дзе ўкраінцы агулам адбілі больш за 70 расійскіх нападаў.

У Херсонскай вобласці расіяне беспаспяхова спрабавалі выбіць украінскія войскі з пазіцый на левым беразе Дняпра.

Украінскія войскі таксама вядуць наступальныя дзеянні, наносячы праціўніку страты. За мінулыя суткі ўкраінцы абстралялі 11 груповак расійскіх войскаў і пазіцыі супрацьпаветранай абароны, а таксама два склады боепрыпасаў і дзве артылерыйскія пазіцыі.

IAR/аз